Herët mëngjesin e sotëm deputetët e opozitës kanë shkuar në Kuvend, por nuk janë lejuar që të futen brenda pasi janë të përjashtuar për shkak të kaosit që shënuan seancën e së hënës.
E teksa vetë nuk mund të futen në seancë, deputetët e PD, synojnë që të moslejojnë as ata të mazhorancës.
Deputetët e opozitës kanë bllokuar të gjitha hyrjet e Kuvendit, në mënyrë që as socialistët të mos futen në parlament.
Madje ka pasur përplasje të ashpra fizike mes deputetëve të opozitës me deputetet e mazhorancës apo edhe me ministrat.
Madje edhe kryetarja e Kuvendit, Elisa Spiroplai nuk është lejuar as të zbresë nga mjeti që t’i drejtohet seancës.
