OSHEE sqaroi mbrëmjen e sotme se përkundër lajmeve të raportuara në medie, sipas të cilave, është djegur kabulli i tensionit të mesëm, duke lënë pa energji elektrike 10 mijë banorë të qytetit Gjirokastër, në fakt pa energji kanë mbetur vetëm 200 abonentë, si pasojë e djegies së një segmenti të linjës së tensionit të ulët.
“Defekti ka ndodhur në linjën kabllore ABC (tension i ulët), dhe djegia e linjës më së shumti ka prekur linjat kabllore të telefonisë, internetit dhe TV”, sqaroi OSHEE.
“Pa energji elektrike kanë mbetur 200 abonentë (dhe jo 10 mijë). Këta 200 abonentë nuk kanë energji për shkak të stakimit të kabinës për nevoja të riparimit të defektit”, thuhet në sqarimin e OSHEE.
OSHEE garantoi abonentët për masat e marra dhe rikthimin sa më të shpejtë të energjisë elektrike.
