Ndonëse nuk është mbushur as 1 vit nga investimi në sistemin e ngrohjes me kaldaja në shkollat e Gjirokastrës, ato nuk funksionojnë siç duhet. Nxënësit thonë për televizionin Gjirokastra se vazhdojnë të ngrohen me priza të thjeshta, pasi kaldajat nuk ndizen.
Drejtoresha e shkollës tregon se ka një defekt në sistemin e gradimit. Bashkia Gjirokastër u ka thënë se presin mbërritjen e një inxhinieri nga Tirana, i cili do të rregullojë problemin. Kjo nuk është hera e para që ka probleme me sistemin e kaldajave në shkollat e Gjirokastrës.
Në muajin shkurt të këtij viti, drejtuesit e shkollave ankoheshin se bashkia nuk u jepte lëndë djegëse të mjaftueshme për të përballuar ditët e ftohta. Nga ana tjetër ata ngrenin shqetesimin se rrjeti i ngrohjes nuk ishte shtrirë edhe në korridore, por vetëm në klasa.
©ArgjiroLajm.net
