Në një video të publikuar nga Paramount Pictures Germany, Pamela Anderson shihet duke u përkulur mbi kangjellat e varkës, duke rikrijuar lëvizjen ikonike të Rose, ndërsa Neeson e mban nga pas, ndërkohë që në sfond dëgjohet kënga legjendare “My Heart Will Go On” nga Celine Dion.
Në një intervistë për “Access Hollywood” e transmetuar më 28 korrik, Liam Neeson pranoi: “Kisha frikë se ajo do të binte në ujë.”
Shprehja e tij në video e konfirmon këtë shqetësim. Ndërsa Anderson e shijon momentin me entuziazëm, Neeson duket dukshëm i tensionuar gjatë gjithë skenës.
Liam Neeson ishte i pari që foli hapur për ndjenjat e tij ndaj Pamela Anderson. Sipas një burimi të afërt me aktorët, ai ishte “i magjepsur që nga momenti i parë”. Marrëdhënia e tyre ka tërhequr vëmendjen e mediave në Hollywood. Siç raporton Us Weekly, 73-vjeçari Neeson hapi zemrën i pari gjatë xhirimeve të filmit.
