Një aksident ka ndodhur mesditën e sotme në aksin rrugor Memaliaj-Krahës. Dy automjete u përplasën dhe për pasojë u plagosën 6 persona, mes tyre dy drejtuesit e mjeteve.
Sipas raportimeve, shoferët e plagosur janë L.F., dhe A.M., përkatësisht 50 dhe 36 vjeç. Të plagosurit janë dërguar në spital për të marrë ndihmë mjekësore.
Njoftimi i Policisë
Rreth orës 14:30, në aksin rrugor Memaliaj – Krahës, në afërsi të fshatit Krahës, janë përplasur automjeti tip “Renault” me drejtues shtetasin L. F., 50 vjeç, banues në Mallakastër, me autiomjetin tip “Benz” me drejtues shtetasin A. M., 36 vjeç banues në Përmet.
Për pasojë janë dëmtuar drejtuesit e automjeteve si dhe 4 pasagjerët, të cilët janë transportuar në spital për të marrë ndihmën mjekësore.
Në vendngjarje ndodhet grupi hetimor dhe po punon për zbardhjen e shkaqeve të aksidentit.
