Media greke “Zougla.gr”, ka publikuar disa imazhe nga burgu “Agios Stefanos” në Patras, ku shihet kushtet e tmerrshme e çnjerëzore në këto vende. Gjithçka që të shohin sytë janë të moshuar, të rinj e burra në moshë, që revoltohen dhe kërkojnë të drejtat e tyre. Ata duan gjithatu që në ato ambiente ku po vuajnë dënimin të ketë masa për mos përhapjen e Covid-19.
Përmes videos që po shikoni, secili nga ju mund të vërë veten në vendin e tyre përmes fjalëve të të burgosurve që ulërasin vetëm për pak mbrojtje: për të mos u infektuar nga irusi që rrezikon të gjithë njerëzit, e sidomos të moshuarit.
“Ne e dimë se kemi bërë diçka të paligjshme për të qenë këtu, por kjo nuk do të thotë që ne nuk kemi të drejta,”- thonë ata.
Në një letër drejtuar Ministrisë së Drejtësisë, të arrestuarit njoftuan se do të hynin në grevë, derisa të plotësoheshin kërkesat e tyre dhe të sigurohej shëndeti dhe siguria e tyre.
“Ne kërkojmë në mes të pandemisë vdekjeprurëse të Covid-19 të drejta të caktuara të njeriut që shteti duhet të kishte ushtruar vetë. Greva do të jetë paqësore,”- shtojnë ata.
Kërkesat që ata kanë listuar:
–Lirimi i menjëhershëm i të gjithë të arrestuarve që kanë vuajtur 1/3 secila ose 2/5 e dënimit.
-Lirimi i menjëhershëm i të burgosurve me dënim deri në 5 vjet
-Lirimi i të gjitha grupeve të rrezikuar, personave mbi moshën 65 vjeç duhet t’u jepet mundësia, edhe me kushtin e monitorimit elektronik.
-Rishikimi i ambientit të paraburgimit për të arrestuarit që kanë një arterie koronare nga një grup mjekësh specialistë.
-Dezinfektimi brenda dhe jashtë.
– Maska, doreza, dezinfektantë dhe masa të tjera mbrojtëse
– Informacion i menjëhershëm dhe i hollësishëm i të arrestuarve nga mjekë të specializuar për masat e marra dhe çfarë duhet të merren ndaj Covid-19
– Testin e virusit vrasës
– Gjykatat duhet të jenë normale (të gjitha pa përjashtim) dhe shteti duhet të marrë të gjitha masat paraprake si për gjyqtarët ashtu edhe për të pandehurit. Gjykatësit u kërkohet të ushtrojnë funksionin e tyre.
Në të njëjtën kohë, ata që janë dënuar me burgim për 12 vjet, kërkojnë lirimin e tyre.
Për më tepër, ata kërkojnë se Greqia si një nga vendet themeluese të BE-së, duhet të penalizojë dënimet e drogës dhe të jetë e ngjashme me ato në BE. (dënimi maksimal duhet të jetë 15 vjet dhe burgimi i përjetshëm duhet të shfuqizohet).
Burime jozyrtare nga qeveria janë shprehur për median greke se këto pamje janë publikuar në një farë mënyre, për të bërë presion për zhdukjen e dënimeve. Ata pretendojnë se ekziston një video në të cilën të arrestuarit kthejnë përmbys koshat e plehrave në mënyrë që të bëjnë foto dhe më pas grumbullojnë mbeturina.
