Bashkia Libohovë nuk do të zhvillojë festën e përvitshme “Tradita Libohovite”, e cila organizohet në muajin gusht. Shkak është pandemia e Covid 19. Përmes një njoftimi bashkia thotë se pengesë tjetër është edhe akti normativ në fuqi, që ngalon grumbullimet masive të njerëzve. Më poshtë njoftimi i plotë
Të nderuar bashkëqytetarë,
Festa e përvitshme “Tradita Libohovite” nuk do të zhvillohet këtë vit për shkak të masave kufizuese të vendosura për të penguar përhapjen e Covid 19. Akti normativ në fuqi pengon mbajtjen e organizimeve masive dhe kërkon që ne të ruajmë distancimin social si një mënyrë për t’i prerë rrugën virusit që ka trazuar botën. Bashkia Libohovë kërkon mirëkuptimin tuaj dhe mbetet e përkushtuar që të zbatojë masat kufizuese të vendosura gjatë pandemisë. Urojmë dhe shpresojmë fort se vitin e ardhshëm do të kemi shpëtuar njëherë e mirë nga armiku i padukshëm dhe se atëherë do të festojmë sërish në shesh. Ju lutemi mos neglizhoni masat kufizuese që mbajnë larg Covid 19. Me këtë virus nuk bëhet shaka! 🙏
