Pas dy javësh nis viti i ri akademik. Në Gjirokastër numri i studentëve të rinj që do të nisin studimet në Universitetin ‘Eqrem Çabej’ pritet jetë dukshëm më i ulët se çdo vit tjetër. Kjo është tabloja teksa kanë nisur regjistrimet për fazën e dytë. Por nga ana tjetër po kryhen investime disa miliona lekë në konviktet e djemve dhe vajzave. Madje për punimet restauruese ka ‘përveshur mëngët’ edhe Doriana Demo, drejtoresha e Ndërmarrjes së Trajtimit Studentor në Gjirokastër. Një vit më parë ishin rreth 150 studentë që frekuentonin konviktet, këtë vit deri më tani janë diku tek 90 rezervime.
Nëse me ardhjen Doriana Demos në krye të këtij institucioni janë rritur tej mase pagat e kësaj drejtorie, përfshi edhe vetë pagën e asaj vetë, nuk ka ndodhur e njëjta gjë me tarifën e konviktit. Studentët do ta vazhdojnë të paguajnë po njësoj; 30 mijë lekë të reja. Ndonëse përmirësimi i kushteve në konvikte është një lajm i mirë, sfida më e madhe për Universitetin e Gjirokastrës është të gjejë studentë.
Vite më parë kur kishte disi më tepër studentë, kushtet në konvikte ishin skandaloze dhe abuzimet me fondet ishin të frikshme. Kujtoni pak skandalin me dyshekët apo abuzimin disa milionësh me litrat e naftës nga ish drejtori Nikolla Buka dhe patjetër edhe nga drejtorët e tjerë para tij.
© ArgjiroLajm.net
