Disa ditë pas lajmit se 39 vietnamezë gjetën vdekjen në mënyrë tragjike brenda një kamioni frigorifer në Essex, për pak e njëjta situatë ka ndodhur në Greqi.
Policia kapi një kamion, i cili kishte brenda 80 imigrantë të paligjshëm, të cilët kishin probleme frymëmarrëse për shkak të hapësirës së vogël brenda mjetit.
Sipas mediave greke, të gjithë personat e gjetur në kamion janë meshkuj të moshës 20- 30 vjeçare. Në vendngjarje kanë mbërritur me urgjencë, autoambulanca për t’i dhënë ndihmën e parë të gjithë klandestinëve.
Policia ka arrestuar shoferin e kamionit, ndërkohë që ende nuk dihet se cili ishte destinacioni i tyre apo vendi se ku donin të shkonin.
