Ekipi i Partizanit ka blerë një sulmues nga Gana, të quajtur Kuame Karikari. Lajmin e konfirmon një faqe e njohur ganeze. Megjithatë prej ditësh emri i tij po përflitet në botën sportive shqiptare dhe në rrjetet sociale. Kjo për shkak të mbiemrit. Ardhja e sulmuesit të njohur duhej të komentohej për aftësitë e tij, pasi është një futbollist shumë i mirë. Por duket se njerëzit do merren më shumë me mbiemrin e tij.
Shumë meme janë prodhuar online, ndërkohë që lexuesit pyesin se si do e thërrasin futbollistin komentatorët sportivë. Një mundësi është që ta thërrasin Kuame.
Interesi i mediave shqiptare për mbiemrin ka bërë që të pyesin edhe vëllanë e sulmuesit për kuptimin e tij. Ai u ka thënë se është një emër normal në gjuhën e tyre. Operacionin për afrimin e sulmuesit e ka mbikëqyrur drejtori i përgjithshëm i Partizanit, Olsi Rama.
