Ish-deputeti i Gjirokastrës, Tritan Shehu, ka komentuar zhvillimet e fundit lidhur me hapjen e negociatave. Njësoj si qëndrimi zyrtar i opozitës edhe ai e shikon fajtorin tek qeveria.
Duke folur në Top Talk, Shehu tha se zgjidhja e vetme është një lëvizje mbarëpopullore për të ndaluar sipas tij rënien në greminë të Shqipërisë. “Kur flas për lëvizje mbarëpopullore e kam fjalën për protestat dhe të gjitha format e revoltës e mosbindjes civile”, tha Shehu.
Por opozita e provoi këtë skenar duke realizuar mbi 10 protesta kombëtare, si dhe u zotua për të penguar zgjedhjet e 30 qershorit. Asgjë nuk ndodhi. Koha provoi se djegia e mandateve ishte një vetëvrasje politike për PD-në dhe LSI-në.
©argjiroja.net
