Një ditë pasi vizitoi Shqipërinë, presidenti turk Rexhep Tajip Erdogan priti për një vizitë zyrtare sot, 18 janar, homologun e tij serb, Aleksandër Vuçiç në Ankara.
Pavarësisht reshjeve të borës në Turqi, Erdogan kishte organizuar një ceremoni pritjeje madhështore për Vuçiç të ngjashme me atë që i organizoi kryeministrit Edi Rama një vit më parë.
Fillimisht parakaluan mbi kuaj përgjatë presidencës. Pas himnit të Turqisë të dy presidentët u drejtuan drejt Presidencës ku do të zhvillohet takimi. Në kuadër të vizitës, në kryeqytetin Ankara do të mbahet takimi i tretë i Këshillit të Bashkëpunimit të Nivelit të Lartë Turqi-Serbi.
