Promovimi i një libri të Vasil Mukës në Gjirokastër ka bërë bashkë socialistë e demokratë, diçka e pazakontë në fakt aq më tepër kur jemi para zgjedhjeve lokale dhe disa ditë pas vizitës së kryeministrit Rama në qytetin e gurtë. Në tavolinën kryesore, autori i librit kishte ulur tre eksponentë të socialistëve në Gjirokastër; prefektin Odise Kote, kryetaren e Këshillit të Qarkut, Lindita Rova dhe kryebashkiakun Flamur Golemi.
Përballë tyre qëndronin deputeti Tritan Shehu, ish-ministri Spiro Ksera i dënuar me burg për vjedhje dhe shpërdorim detyre, kryetari lokal i demokratëve, Eri Shehaj, zysha e PD, Irena Shehu etj. Ndërsa Dasho Aliko shkëlqeu me mungesën e tij në këtë takim.
Kryebashkiaku Flamur Golemi, të cilin demokratët do ta kënë përballë më 14 maj në garën për bashkinë, shfrytëzoi fjalën për librin për të sjell sërish në vëmendje transformimin që ka pësuar Gjirokastra gjatë këtyre viteve. PD nuk e ka ende kandidatin e saj përballë Flamur Golemit. Pritet që ai të dalë nga primarët që do të organizohen në javët e ardhshme. Disa nga emrat e përfolur deri më tani janë Ylli Asllani, Julian Graçi, Irena Shehu, Dasho Aliko e Beqir Gjika. Më poshtë disa nga fotot e takimit të pazakontë. ©argjiroja.net
