Nga Mentor Kikia
Nuk di se cfare duhet te ndodhe me ne kete vend per ta quajtur llumin e llumrave! Lajmi ketu nuk eshte se nje pastruese vodhi 500 apo 600 mije Euro dhe shume bizhuteri, ne shtepite e te pasurve ku punonte. Por qe nje nga te vjedhurit qe kishte shume para cash ne shtepi ishte nje zyrtare e larte e qeverise. As me pak e as me shume, por Alda Klosi, ish Drejtoreshe e Koncesioneve, kur jane dhene edhe koncesionet e inceneratoreve, dhe shefe kabineti e Arben Ahmetajt, ne cdo ministri ku ai ka drejtuar.
Policia nuk ia permendi as emrin e as inicialet ne njoftimin e saj zonjes Klosi qe ka bere edhe denoncimin.
Vete Klosi ka thene se nuk ishin te gjithe parate e mia. Ka kontradita shifrash qe pritet te zbardhen(nese). Nuk ka emra. Kush jane te tjeret qe pretendohet se ka vjedhur pastruesja e famshme, dhe qe kishin mbushur dysheket me para? Prokuroria e ka patur te veshtire te ndjeke parate qe kane ushqyer zyrtaret e korruptuar dhe kete e beri nje grua hajdute. Ajo zbuloi se ne kete vend, ku shteti te ndjek nga pas edhe per nje gjobe makine te papaguar, ka njerez qe flene mbi dysheke me para te padeklaruara.
