Edhe studentët e Universitetit ‘Eqerem Çabej’ në Gjirokastër i janë bashkuar këtë të dielë protestës të studentëve në mbarë vendin. Ata janë mbledhur përpara Univesitetit me pankata në duar dhe kanë kërkuar plotësimin e kërkesave të tyre.
Si uljen e tarifave dhe përmirësimin e kushteve të konvikteve dhe ndalimin e korrupsionit në Universitetin e tyre. Por në dallim nga protestat në Tiranë apo në ndonjë qytet tjetër, ku në mbështetje të studentëve janë edhe pedagogë, në Gjirokastër kjo nuk ka ndodhur.
Asnjë prej pedagogëve të këtij universiteti nuk ishte bashkë me studentët. Sigurisht mund të ketë pedagogë që i mbështesin në heshtje, por prania e tyre mes të rinjve i bën nder protestës, u çon kokën studentëve dhe i motivon ata për rezistencën e ligjshme kundër zhvatjes dhe kastës që mban peng arsimin e lartë në Shqipëri. Të shohim nëse do të ketë pedagogë mes protestuesve ditën e nesërme, kur studentët e Gjirokastrës kanë paralajmëruar një tjetër protestë.
©ArgjiroLajm.net
