Londra është goditur sot nga një sulm terrorist, i cili nuk u arrit të finalizohej deri në fund, falë ndërhyrjes në kohë të forcave të sigurië. Siç raportojnë mediat vendase në shënjestër të sulmit ishte Parlamenti i Britanisë. Policia ka arrestuar dy prej terroristëve, ndërsa të tretin e ka vrarë. Por çfarë ndodhi konkretisht?
Një agresor me thikë në dorë arriti të depërtonte në hapësirën e blertë të Parlamentit, duke therur me thikë një prej oficerëve të sigurisë, përpara se të qëllohej për vdekje. Nderkohë dy terroristët e tjerë kanë goditur me automjetin e tyre “4×4”mbi 10 vetë në urën “Westminster”. Ndërtesa e Parlamentit është mbyllur me urgjencë, duke mos lejuar që agresorët të depërtojnë brenda.
Në një reagim pas ngjarjes policia ka thënë se është duke e trajtuar këtë rast si sulm terrorist, pa dhënë detaje rreth agresorëve.
Gjatë ngjarjes deputetët janë urdhëruar të qëndrojnë brenda e të mos dalin jashtë, ndërsa kryeministrja Theresa May është futur në një makinë nga një oficer policie i veshur jo me uniformë dhe është larguar menjëherë nga vendngjarja.
Ky sulm vjen në një kohë kur shërbimet sekrete britanike kanë arriur që të ndalojnë 13 sulme të tjera potenciale në më pak se 4 javë. Më poshtë foto nga ngjarja.
