Perisic te Bayern-i, Interi nuk heq dorë nga kjo shifër

Interi nuk ka ndërmend të bëjë asnjë ulje për çmimin e kartonit të Ivan Perisic, i cili ka shkëlqyer këtë sezon me fanellën e Bayernit, ku edhe është i huazuar. Kroati ka dhënë paraqitje fantastike, sidomos në muajt e fundit, ku ka qenë titullar i padiskutueshëm.
Trajneri Hans Flick e pëlqen shumë, por drejtuesit bavarezë nuk janë dakord me kërkesat e Interit, që dëshiron të paktën 20 milionë euro për kartonin e anësorit. Pas finales së Champions League duhet të vendoset gjithçka dhe sipas mediave italiane, Inter nuk lëviz nga pretendimi prej 20 milionë euro. Tashmë, gjithçka është në dorën e Bayernit për të vendosur. Kujtojmë se muajin e shkuar, oferta më e lartë e gjermanëve ishte 13 milionë euro, që u refuzua menjëherë nga Interi. Gjithçka pritet të vendoset pas finales së Champions League në lidhje me të ardhmen e Perisic.