Skeleti i një njeriu është gjetur nga policia e Përmetit sot pasdite rreth orës 17:00. Mësohet se skeleti është gjetur në shtratin e lumit Vjosë, pranë fshatit Kanikol, në Njesisë Administrative Çarshovë. Policia thotë se janë gjetur vetëm kafka, gjymtyrët e poshtëm, si dhe disa tesha. Personi nuk është identifikuar ende, por dyshohet të jetë trupi i ndonjë klandestini, i cili mund të jetë mbytur në lumin Vjosë para disa muajsh në Greqi. Cështja po ndiqet nga Prokuroria e Përmetit.
©ArgjiroLajm.net
