Përndiqte një grua, arrestohet 54-vjeçari në Përmet

Specialistët e Seksionit për Hetimin e Krimeve të Komisariatit të Policisë Përmet arrestuan në flagrancë shtetasin Xh. M., 54 vjeç, banues në fshatin Katundisht, Përmet, pasi ka kallëzuar një 36-vjeçare, se ky shtetas e ka përndjekur dhe i ka dhunuar banesën. 54-vjeçari nuk i është bindur urdhrit të punonjësve të Policisë, për të ndaluar automjetin me të cilin tentoi t’u shmangej shërbimeve. Në vijim të veprimeve për këtë rast, ka rezultuar se shtetasi Xh. M. e drejtonte automjetin, në gjendje të dehur.