Armiqësia mes reperes amerikane Nicki Minaj dhe rivales së saj Cardi B është rikthyer fuqishëm në qendër të vëmendjes pas një periudhe qetësie. Prej disa ditësh, dy artistet kanë shkëmbyer “diss”-e dhe akuza të ndërsjella në rrjetet sociale, duke vënë në shënjestër njëra-tjetrën për çështje fame, hitesh dhe jete personale.
Sipas raportimeve të mediave online, tensioni ka kaluar kufijtë e zakonshëm të rivalitetit muzikor, duke përfshirë edhe familjarë. Nicki Minaj shkroi në platformën X një mesazh ofendues ndaj vajzës 7-vjeçare të Cardi B, Kulturë, duke e quajtur “buburrec” dhe “majmun”. Ky postim shkaktoi reagime të forta nga fansat, shumë prej të cilëve e kritikuan Minajn për sulme ndaj fëmijëve. Të tjerë rikujtuan se në të kaluarën edhe Cardi B ishte akuzuar për fjalë të ashpra ndaj një fëmije.
Cardi B reagoi menjëherë me një status të gjatë, ku mbrojti vajzën e saj dhe akuzoi Minajn për xhelozi e urrejtje. Ajo tha se “Kulture është e bukur” dhe e kritikoi Nicki Minajn se po e shfrytëzon rivalitetin personal për të përfshirë fëmijë në debate.
Përplasja e re mes dy ikonave të rap-it amerikan ka ngjallur diskutime të gjera mbi kufijtë e rivalitetit publik dhe etikën në rrjetet sociale, sidomos kur përfshihen fëmijë. Deri tani asnjëra palë nuk ka kërkuar falje, ndërsa fansat e tyre vazhdojnë të debatojnë online, duke e mbajtur çështjen në qendër të mediave rozë.
