Dy mjekë të spitalit të Gjirokastrës, Dashamir Demiri gjinekolog dhe Kostandin Hido anestezist janë pezulluar nga detyra. Vendimi i Gjykatës së Shkallës së Parë, Gjirokastër vjen disa muaj pas vdekjes së 20-vjeçares, Klea Muxhaj, në maternitetin e Gjirokastrës pas lindjes.
Si ndodhi ngjarja
Ishte 12 nëntori i vitit 2020. E reja, Klea Muxhaj nga fshati Metoq i Sarandes ishte shtruar në ditë më parë në maternitetin e Gjirokastres. Mjekët obstetër nuk i kanë dhënë garanci për të lindur vetë dhe e kanë futur në sallën e operacionit. Gjithçka ka shkuar mirë në momentin e parë, por pastaj e reja ka ndërruar jetë. Foshnja ishte në gjendje të mirë shëndetësore. Ndërkohë familjarët e 20-vjeçares u mblodhen jashtë ambientet të maternitetit të Gjirokastrës të pikëlluar nga ngjarja e rëndë. Ata hodhën akuza ndaj mjekëve për trajtim jo të duhur. Cështja më pas i kaloi për hetim Prokurorisë së Gjirokastrës.
