Ndeshja mes Vllaznisë dhe Bylisit në Shkodër u zhvillua nën një atmosferë të veçantë dhe me tension të dukshëm, pavarësisht numrit të vogël të tifozëve në stadium, jo më shumë se 1000. Para fillimit, trajneri Mirel Josa shijoi një kafe me miq të vjetër nga Shkodra, ndërsa në stolin e Bylis u vu re mungesa e alternativave, me vetëm 6 lojtarë të gatshëm.
Gjatë takimit nuk munguan momentet e nervozizmit: Edi Martini dhe mbrojtësit e tij u tensionuan nga aksionet e Bylisit, ndërsa gjyqtari Doda u bë objekt humori për tifozët shkodranë.
Debatet dhe ndëshkimet e lojtarëve shtuan dramatikën, ndërsa Josa ndoqi pjesën e dytë nga tribuna e gazetarëve, duke lënë pankinën nën kujdesin e Rustemit. Ndeshja u mbyll 1-1, një rezultat që la tifozët e Vllaznisë të pakënaqur dhe me kritika për performancën e kuqebluve.
-Trajneri Mirel Josa i Bylisit para startit të takimit shijon një kafe në një bar në afërsi të stadium. Ku me disa miq nga Shkodra ku ka lënë një kujtim të bukur ka kaluar disa çaste para ndeshjes.
-Pavarësisht kushteve optimale të motit të pranishmit në stadium nuk janë të shumtë. Numri i tyre nuk i kalon 1000 të tillë.
-Bie në sy fakti se në stolin e Bylis sipas protokollit zyrtar të ndeshjes janë vetëm 6 futbollistë. Duke treguar se për mallakastriotët kishin pak alternativa.
-Edi Martini nevrikoset me mbrojtjen e tij në momentin kur një lojtar i Bylis driblon mes 3 fanellave kuqeblu duke u shndërruar në rrezik për shkodranët.
-Tifozët shkodranë bëjnë humor me gjyqtarin Doda nga disa kapje të futbollistëve ballshiotë ndaj atyre shkodranë, duke u drejtuar me fjalët: “Arbitër është futboll dhe jo mundje”.
-“Më thjesht” janë fjalët që Josa i drejton Përndreces në një moment kur ky i fundit tenton të driblojë mes disa futbollistëve shkodranë.
-Edi Martini “çmendet” me Melos Bajramin i cili ndëshkohet me të verdhë dhe mungon ndeshjen e ardhshme. Ndëshkimi i mbrojtësit erdhi pas një konflikti me një prej futbollistëve ballshiotë.
-Mirel Josa e ndjek pjesën e dytë të ndeshjes nga tribuna e gazetarëve, duke lënë kështu si drejtues në pankinë Rustemin. Nuk dihet arsyeja e kësaj lëvizjeje nga ana e trajnerit kryeqytetas. Më vonë u kuptua se ishte ndëshkuar me të kyq, për nervozizëm.
-Nuk e mban vendi Martinin i cili shpesh jep udhëzime për të tijët, ku këshilla kryesore është ta luajnë topin shpejtë dhe pa shumë ndalesa.
-Mbyllet 1-1 në fund, që lë totalisht të pakënaqur tifozët e Vllaznisë. Të cilët kanë kritika për performancat e kuqebluve gjatë kësaj periudhe.
© BalkanWeb
Për t’u bërë pjesë e grupit “Balkanweb” mjafton të klikoni: Join Group dhe kërkesa do t’ju aprovohet menjëherë.
Grupi Balkanweb
