Disa deputetë kanë dhënë mendimin e tyre, lidhur me faktin nëse duhej shkarkuar apo jo Lefter Alla pas videos që qarkulloi ditën e djeshme, në të cilën shfaqet kryebashkiaku Alla duke pirë kokainë. Përgjigjet ishin nga më të ndryshmet.
Gazetarja e ABC News Esiona Konomi i drejtoi po të njëjtën pyetje deputetit socialist Bujar Çela, i cili u përgjigj se: “nuk dinte gjë pasi ishte nga Lushnja”, duke shtuar se se i përket kryeministrit të marrë vendime të tilla.
“Nuk di gjë, jam nga Lushnja. Unë mendoj se këto janë kompetencat e kryeministrit dhe pyetja është shumë e shtrenjtë”, u shpreh Çela.
Ditën e djeshme, gazetari investigativ Artan Hoxha ka publikuar videon e kryebashkiakut të Bulqizës Lefter Alla duke konsumuar ‘kokainë’. Pas publikimit të pamjeve, një reagim i menjëherëshëm ka ardhur nga Alla, i cili e ka cilësuar videon si montazh duke pretenduar se i është bërë edhe presion nga grupet kriminale, që sipas tij veprojnë në Bulqizë për interesa biznesi, ndërkohë që PD kërkon largimin e tij.
