Ish-Kryeministri Sali Berisha, denoncon ndalimin që u është bërë sot familjarëve të policit të vrarë në Lazarat (shpallur dëshmor), Ibrahim Basha. Sipas tij, familjarët e tij nuk janë lejuar të bëjnë nderime tek Varrezat e Dëshmorëve dhe për të dëshmuar këtë, ka postuar edhe një video në facebook. “Sot ne diten e te reneve, familjaret e deshmoreve nuk lejohen te hyne ne varreza! Lexoni mesazhin dhe shikoni videon e qytetarit dixhital! “Miremengjes doktor, Familjet e deshmoreve qe si lene te hyjne brenda te Varrezat e Deshmoreve. Jane familjare te Ibrahim Bashes. Eshte Rama dhe pa ik ai nuk i lene te futen e te bejne homazhe”, shkruan Berisha.
Por sakaq, sot Garda e Republikës së Shqipërisë në varësi të Ministrisë së Brendshme të Fatmir Xhafës nuk e ka patur aspak problem që në varrezat e dëshmorëve të futen idhtarët e Enver Hoxhës, të cilët më pas u përplasën me demokratët që nuk i lejuan të kryejnë nderime.
