Policia e Gjirokastrës ka reaguar përmes një njoftimi lidhur me humbjen e 4 alpinistëve në Malin e Sotirës, Bashkia Dropull. Përmes një njoftimi policia jep detaje rreth ngjarjes, si dhe bën publike pamje nga operacioni.
Në malin e fshatit Sotirë, Njësia Administrative Dropull i Sipërm, kërkuan ndihmë 4 shtetas pasi kishin mbetur te bllokuar në vendin e quajtur “Gështenjat e djegura”, në një gropë midis kodrash nga ku nuk mund të dilnin. Ata ishin nisur ditën e djeshme, me makina deri në fshatin Selo dhe më pas filluan ekspeditën me këmbë gjate natës.
Nga terreni i veshtirë e malor dhe me dëborë, ata u bllokuan midis disa kodrave në vendin e quajtur “Gështenjat e djegura”. Në vendngjarje shkuan shërbimet e Emergjencave Civile, shërbime policore të DVP Gjirokastër, DRKM Gjirokastër, Delta Forcë, si dhe një helikopter.
Për shkak të terrenit, helikopteri nuk mundi të vepronte dhe nderhynë Delta Forcë e Zjarrfikëset. Shërbimet e Delta Forcë dhe Zjarrfikësit bënë të mundur nxjerrjen e 4 personave. Ata aktualisht jane ne gjendje te mire shëndetësore dhe jashte rrezikut.
