Policia e Sarandës konfirmon lajmin e raportuar pak më parë nga Argjiroja.net për ngjarjen e rëndë, ku një vajzë 14-vjeçare është plagosur teksa po lëvizte me jet-ski bashkë me vëllain e saj. Policia thotë se vajza është jashtë rrezikut për jetën ndonëse është transportuar drejt Tiranës. Më poshtë njoftimi.
Sarandë/Informacion paraprak
Sot, në Ksamil, shtetasi G. Gj., 20 vjeç, duke lundruar me një mjet lundrues Jet Ski së bashku me motrën e tij 14-vjeçare, dyshohet se ka humbur kontrollin mbi drejtimin e mjetit lundrues dhe si pasojë e rrëzimit në det, ka mbetur e dëmtuar shtetasja e mitur. 14-vjeçarja do të dërgohet për ndihmë mjekësore të specializuar në Tiranë dhe ndodhet jashtë rrezikut për jetën. Mjeti lundrues është shoqëruar në portin e Sarandës për verifikime të mëtejshme nga Policia Kufitare. Grupi hetimor vijon punën për sqarimin e plotë të rastit.
