“Turp, poshtë diktatura!”. Me këto thirrje kanë reaguar mbështetës të Fredi Belerit, të cilit nuk iu pranua kërkesa nga GJKKO për t’u lejuar që të betohej si kryebashkiak i Himarës.
Në videon e publikuar nga LSA dëgjohen mbështetës të tij që teksa mbajnë dhe banderola në duar, hedhin akuza në drejtim të drejtësisë.
Kujtojmë se Beleri u arrestua dy ditë para zgjedhjeve të 14 majit, nën akuzën e blerjes së votave. Ai nga qelia e burgut fitoi zgjedhjet në Himarë, por deri më tani nuk ka mundur të betohet.
