Brenda këtij viti do të nisë një investim i rëndësishëm në Përmet. Lajmin e njofton ish-ministrja e Kulturës dhe deputetja e qarkut, Mirela Kumbaro, teksa ndodhej për një takim me ekipin që ka hartuar projektin dhe kryebashkiaken Alma Hoxha. Investimi përfshin disa komponentë, ku më i rëndësishmi është rigjenerimi urban i zonës historike të qytetit. Më poshtë postimi i plotë i Kumbaros:
#PERMETI QE RILIND PREJ TRADITES e që më bën krenare e të lumtur pa fund❤️
👉“Rigjenerimi i Integruar Urban” quhet projekti më i fundit që po përgatitet për të realizuar një tjetër ndërhyrje të madhe në Qytetin e Trëndafilave🌹
Ne 2016, falë punës përgatitore në Ministrinë e Kulturës dhe në bashkëpunim me Bankën Botërore u përfshi në investimin e madh për “Trashegiminë dhe Turizmin Kulturor” edhe qyteti i Përmetit, krahas, Gjirokastrës, Beratit dhe Sarandës.
Prej një viti Fondi Shqiptar i Zhvillimit/ Albanian Development Fund ka ndjekur procesin e hartimit te projekt-zbatimit që do të sjellë restaurimin dhe rikualifikimin për:
✅Rigjenerimin Urban të Qendrës Historike,
✅Rehabilitimin e shpateve të kanalit të Përroit të Bardhë,
✅Rehabilitimin e hapësirave publike,
✅Zgjatimin e bulevardit dhe të rrugëve qendrore në qytet,
✅Sinjalistikën turistike dhe Interpretimin turistik.
👉 Bashkë me Alma Hoxhën, Kryetaren e Bashkisë Përmet, për të disatën herë e me merakun e domosdoshëm për Përmetin, diskutuam në detaje me arkitektët Atelier 4 dhe ekspertët e Fondit, projektin që ka dalë yll🌟
👉 Investimi që do të fillojë brenda këtij viti, do të nxjerrë ne dritë të re Përmetin e vjetër, atë të dashurin, atë qe ende nuk e njihni, atë do t’ju bëjë të rrini në Përmet më shumë se sa një fundjavë😉
👉Keni për ta parë… së shpejti do t’i diskutojmë të gjitha bashkë në Përmet!
Bashkia Përmet-Bashkia Që Duam
