Në zbatim të Programit të Qeverisë dhe Ministrisë së Financave dhe Ekonomisë për aplikimin e programeve aktive në tregun e punës, për vitin 2018 nga Buxheti i Shtetit është akorduar një fond prej 490.000.000 milion lekë. Për qarkun Gjirokastër janë dhënë në total rreth 167 milionë lekë të vjetra. Ky fond ndahet në këtë mënyrë sipas rretheve: 103 milionë për Gjirokastrën; 52 milionë për Tepelenën dhe 11 milionë për Përmetin. Paratë do të përdoren për programet e nxitjes së punësimit gjatë vitit 2018. Shërbimi Kombëtar i Punësimit, njofton të gjithë punëdhënësit e interesuar se mund të aplikojnë online ose të paraqiten pranë Zyrave të Punësimit ku ushtrojnë aktivitetin. Formulari i Aplikimit mund të shkarkohet online nga e-Albania ose faqja zyrtare e Shërbimit Kombëtar të Punësimit.
© ArgjiroLajm.net
