Disa fermerë në Xarë të Konispolit kanë marrë traktorë falë mbështetjes me grante nga programi IPARD. Gjatë dorëzimit të traktorëve ka qenë i pranishëm edhe ministri i Bujqësisë dhe Zhvillimit Rural, Bledi Çuçi. Teksa poston pamjet kryeministri Edi Rama shkruan.
“Xara e historive të suksesit në bujqësi ka pritur së fundi disa traktorë të rinj, të blerë falë mbështetjes së programit IPARD. Përfituesit janë një grup fermerësh të cilët do të kenë sot e tutje mekanizimin kaq shumë të domosdoshëm për punimet në bujqësi. Vlera e kësaj mbështetje për blerjen e traktorëve të teknologjisë së fundit me gjithë agregatë shkon në rreth 500 mijë euro. Thirrja e tretë e IPARD II që hapet më 10 dhjetor është një mundësi tjetër shumë e mirë për fermerët tanë, për të blerë mjete e pajisje dhe për të zgjeruar sipërmarrjet e tyre në sektorin bujqësor dhe agropërpunim. Krahas mbështetjes me grante, rritjen e shkallës së mekanizimit në bujqësi do ta ndihmojë edhe skema e naftës pa taksa që do të aplikohet vitin e ardhshëm.”
