Ka nisur në Sarandë prishja e bulevardit, për t’i hapur rrugë projektit të ri të lungomares së Sarandës. Argjirolajm.net sjell foto nga punimet që po kryen kompania “Fusha” e cila ka fituar tenderin. Kujtojmë për këtë projekt ka pasur polemika të shumta.
Banorët e Sarandës kanë qenë përgjithësisht skeptikë për prishjen e bulevardit ekzistues, dhe sidomos plazhit të Centralit. Ka patur gjithashtu disa protesta kundër këtij projekti dhe është kërkuar të bëhej më tepër transparencë.
Punimet ngecën gjatë muajit nëntor. Për rreth 3 muaj nuk pati asnjë lëvizje. Javën e shkuar pas transmetimit të disa lajmeve rreth ngecjes së këtij investimi, kryebashkiaku Ardian Gurma u shfaq në bulevard me punëtorët e kompanisë “Fusha” dhe tha se punimet do të rinisnin së shpejti. Por problemi kryesor tanimë nuk janë nisja e punimeve, por përfundimi i tyre.
Sezoni turistik është afër dhe Saranda si kantier ndërtimi natyrisht që nuk e favorizon këtë sektor jetik për ekonominë e qytetit. Mbetet të shohim nëse ky projekt do të përfundojë apo jo para nisjes së sezonit turistik.
©argjiroja.net 
