Prokuroria e Krimeve të Rëndë ka dhënë detaje në lidhje me rastin e prokurorit të Gjirokastrës Spartak Çoçoli, i cili është akuzuar nga një qytetar për mitmarrje.
Në deklaratën e Prokurorisë thuhet se është duke kryer hetime në lidhje me procedimin penal nr. 08/2019 për veprat penale të parashikuara nga nenet 319 dhe 319/ç. “Prokuroria për Krime të Rënda nuk ka kërkuar asnjë masë sigurimi personal në Gjykatën e Krimeve të Renda për prokurorin Spartak Çoçoli. Po ashtu dhe policia nuk ka proceduar me arrest në flagrancë. Pra, nuk ka as urdhër ndalimi nga prokuroria dhe as vendim gjykate për arrestim dhe as arrest flagrance nga policia. Prokuroria për Krime të Renda po kryhen veprime hetimore lidhur me këtë procedim”.
Mësohet se prokuroi është marrë në pyetje në lidhje me një denoncim të një qytetari në muajin korrik të vitit të kaluar. Qytetari pretendon se prokurori i ka marrë 1 mijë euro për një çështje. Ndërkohë burime të Argjirolajm.net thonë se në orët e mbrëmjes prokurori Spartak Çoçoli është lënë i lirë nga policia.
©argjiroja.net
