Policia Kufitare Kakavijë bën me dije se, përmes Qendrës së Përbashkët të Shkëmbimit të Informacionit Kakavijë, është njoftuar nga Policia Kufitare Greke se ditën e sotme aksi rrugor Kakavijë–Janinë do të bllokohet përkohësisht.
Sipas njoftimit zyrtar, bllokimi do të ndodhë nga ora 19:00 deri në orën 22:00, sipas orës greke, në kryqëzimin e fshatit Kallpaq, për shkak të një proteste që do të zhvillojnë fermerët në këtë zonë.
Gjatë kësaj periudhe, do të lejohen të qarkullojnë vetëm automjetet që kanë emergjenca shëndetësore, ndërsa qarkullimi tjetër do të jetë i ndaluar.
Policia Kufitare Kakavijë u bën thirrje qytetarëve për mirëkuptim dhe këshillon planifikimin e udhëtimeve në orare të tjera të ditës, për të shmangur vonesat dhe problematikat në qarkullim.
