Partia Demokratike dega Gjirokastër zhvilloi sot në mbrëmje një takim me grupseksionin e Libohovës, ku të pranishëm ishin anëtarë të kësaj partie dhe simpatizantë. Në fokus të takimit është protesta e opozitës e parashikuar të mbahet në Tiranë më 18 shkurt, si dhe afrimi i fushatës elektorale për zgjedhjet e qershorit.
Në takim merrnin pjesë kreu i PD Gjirokastër, Roland Bejko dhe ish-kryebashkiaku i Libohovës, Altin Çomo. Bejko dhe përfaqësuesit lokalë të të PD-së u thanë të pranishmëve se qeveria “Rama” e ka varfëruar vendin dhe se duhet një bashkim forcash për ta ndëshkuar me votë këtë qeveri më 18 qershor. Më poshtë foto nga takimi.
