Kryeministri Edi Rama ka postuar një video nga brenda spitalit Covid 4, i cili ende nuk është hapur ende për të pritur pacientët me koronavirus. Spitali do të hapet nëse ezaurohen kapacitetet në tre spitalet e tjera Covid.
Doktoreshë Nika e cila shfaqet në video tregon se në këtë spital sipas saj janë 110 shtretër për pacientët e shtruar me koronavirus, me pajisjet dhe aparaturat që i duhen trajtimit të Covid dhe 8 shtretër në pavionin për pacientët që mund të kalojnë në intubim. Në spital ndodhet zona e triazhit ku priten pacientët në momentin e parë, si dhe me një sallë mikrokirurgjie për ndërhyrje invazive për pacientët me Covid.
Pamjet e publikuara nga ERTV, komentohen nga Edi Rama si gatishmëri e sistemit shëndetësor dhe sulmon opozitën kur thotë: Që është krejt po krejt ndryshe nga çfarë ju thonë ata që ëndërrojnë katastrofën e nxisin ankth, pasiguri, frikë, duke ju siguruar se nuk do jeni kurrë vetëm në këtë luftë!
