Një fondacion italian i quajtur “Corpi Sanitari Internazionali” ka bërë një donacion “me iniciativë të prefektit të Gjirokastrës, Astrit Aliaj”. Sipas njoftimit të Prefekturës, dhurata e këtij fondacioni është “një numër i konsiderueshëm atletesh”, të cilat, thuhet më tej në njoftim, “do të shpërndahen për fëmijët e shkollave të qarkut”. Dhe kështu ka ndodhur, prefekti nisi t’i shpërndante në disa shkolla të Gjirokastrës. Pjesë e “dekorit” u bë edhe kryetarja e Këshillit të Qarkut, Lindita Rova, si dhe drejtoresha e Arsimit, Albana Hasanaj. Ndërkohë ka një tjetër njoftim nga Prefektura Gjirokastër, se një pjesë e atleteve iu dhurua prefektit të qarkut Vlorë, Flamur Mamaj, i cili pritet të bëjë po të njëjtën gjë, t’i shpërndajë në shkollat e qarkut të vet. Urojmë që të kenë mbajtur dhe ndonjë palë për vete, gjithmonë nëse ka patur numër të madh.
©argjiroja.net
