Pas më shumë se 25 vitesh harresë memoriali i rilindasve në Gjirokastër u restaurua. Projekti, me një fond prej 99 milionë lekë, përfshiu edhe rrugët e kalldrëmta që të çojnë drejt memorialit. Por rreth një vit pas përfundimit të punimeve, çuditërisht pamja në rrugët e kalldrëmta është kjo që shihni në foto. Firma e kontraktuar prej Bashkisë Gjirokastër ka bërë punime me cilësi të keqe, që nuk i rezistojnë as shirave të parë të këtij dimri, jo më të pretendojmë të kenë jetëgjatësi.
Nuk dihet nëse Bashkia Gjirokastër e ka marrë apo jo në dorëzim investimin e përfunduar, por sidoqoftë aty duhet ndërhyrë sërish. Shpërdorimi i fondeve nëpër tendera për punime ‘shkel e shko’ është një histori e vjetër në Shqipëri, madje në shumë raste kemi thjesht investime në letër, ndërsa paratë kanë përfunduar në xhepat e ministrave, deputetëve, kryebashkiakëve apo zyrtarëve të tjerë.
Në kondrën e rilindasve në Gjirokastër prehen eshtrat e 5 figurave të njohura gjirokastrite, Çajupi, Çerçiz dhe Bajo Topulli, Pandeli Sotiri dhe Koto Hoxhi prehen sot në “Kodrën e Rilindasve”.
©ArgjiroLajm.net
