Në mes të situatës së vështirë në të cilën ndodhet vendi prej pandemisë Covid-19, qeveria i ka kthyer “sytë” në Lazarat, pasi është miratuar ndërtimi i ujësjellësit të këtij fshati, për t’i hapur rrugë më pas investimit që do të furnizojë me ujë të pijëshëm banorët. Ky është investimi i parë i rëndësishëm në Bashkinë Gjirokastër gjatë nëntë muajve të drejtimit nga kryebashkiaku i ri.
Këtë lajm e ka bërë me dije Agjencia Kombëtare e Ujesjellës-Kanalizime dhe Infrastrukturës së Mbetjeve, ku përmes një postimi në rrjetin social “Facebook” thekson se 3.466 banorë të Lazaratit, do furnizohen 24 orë ujë të pijshëm e cilësor pas ndërtimit të ujësjellësit.
Ndërkohë që sot situata në Lazarat nuk duket aspak e mirë pasi furnizohet me ujë 60 minuta në 2 ditë në periudhë normale dhe 40 minuta në 2 ditë në periudhë thatësire.
AKUM shkruan:
3.466 banorë të Lazarat, Gjirokastër, 24 orë ujë të pijshëm e me cilësi.
Lazarati sot furnizohet:
– 60 minuta në 2 ditë në periudhë normale
– 40 minuta në 2 ditë në periudhë thatësire
Këshilli Teknik i AKUM shqyrtoi dhe miratoi ndërtimin e ujësjellësit të Lazaratit, Gjirokastër, për t’i hapur rrugë nisjes së investimit për ndërtimin e këtij ujësjellësi.
Investimet e qeverisë qëndrore në infrastrukturën e ujësjellësve synojnë modernizimin e tij për të garantuar parametra e standarte bashkëkohore.
Sektori i ujit është 1 nga 5 prioritetet strategjike të qeverisë shqiptare duke synuar përmirësimin e cilësisë së jetës së qytetarëve , si dhe zhvillimin e qëndrueshëm ekonomik.
