“Qytetari Dixhital” nga Gjirokastra e ka futur sërish në kurth ish-kryeministrin Sali Berisha. Ky i fundit përmes një mesazhi në Facebook, thotë se kryebashkiaku i Gjirokastrës, Flamur Golemi, nuk ka përfunduar studimet e larta. Nuk është hera e parë dhe me siguri s’ka për të qenë as e fundit që Berisha publikon mesazhe pa asnjë filtër fare.
“Një denoncim që e fshehin pushtetarët e Gjirokastrës, – shkruan ai. – Kryetari i bashkisë është pa arsim të lartë; është me arsim të mesëm; mund ta verifikoni. E mjera Shqipëri ku po shkon!” përfundon mesazhi që ka postuar Berisha.
Kohë më parë njerëz të PD sajuan historinë se Golemi s’kishte përfunduar shkollën e mesme. Ndërkohë tani del që nuk ka as shkollën e lartë. Tritan Shehu është mbase personi më ideal që Berisha duhet të pyesë nëse Golemi ka apo jo shkollën e lartë. Kujtojmë që Shehu ka qenë pedagog në Fakultetin e Mjekësisë në Tiranë teksa Golemi ndiqte studimet e larta. Orientimi i sulmeve të PD-së ndaj kryebashkiakut të Gjirokastrës pikërisht tek shkollimi, është me siguri strategjia më e gabuar.
Nëse Golemi ka një pikë të fortë që s’mund t’ia vësh në diskutim, është patjetër shkollimi i tij. Për të gjithë të tjerat, opozita është në të drejtën e vet ta sulmojë apo ti gjejë ‘cene’ në biografi. Thënë këto, “qytetari dixhital” duhet ta informojë Berishën për gjera të tjera rreth aktivitetit publik të Golemit si ish-deputet apo kryebashkiak i Gjirokastrës. Kjo puna e shkollimit është e dalë boje, nuk pi më ujë.
©argjiroja.net