Ra në kontakt më rrymën, elektriçisti nga Memaliaj ndërron jetë në spitalin e Gjirokastrës

Një elektricist i quajtur Agron Manaj 54 vjeç, punonjës i OSHEE-së ka ndërruar jetë si pasojë e plagëve që ka marrë sot në mëngjes. Manaj dhe shoku i tij ishin duke rregulluar linjën e fshatit Çërrillë në Bashkinë e Memaliajt. Ai, në shtyllën e tensionit të lartë ka rënë në kontakt me rrymën elektrike. Të dy elektricistët janë dërguar me urgjencë në Spitalin e Gjirokastrës, por 54-vjeçari nuk ia doli dot të jetojë.