Kryeministri Edi Rama ka dhënë lajmin e mirë se ‘pacienti 0’ ka rezultuar negativ për koronavirus edhe nga testi i dytë. Kështu ai bëhet i pari i shëruar në Shqipëri nga pandemia globale.
Ndërkohë, Rama njofton gjithashtu se negativ ka dalë edhe një pacient tjetër, duke e çuar në dy numrin e të shëruarve në Shqipëri nga virusi covid-19. Megjithatë kreu i qeverisë nuk ka dhënë detaje se cili është pacienti i dytë që ka rezultuar negativ nga analizat.
“Testi i dytë konfirmon negativ kontaktin e parë të pacientit zero. Del negativ edhe një pacient tjetër. Mirënjohje me përunjësi mjekëve të spitalit Infektiv,”-shkruan Rama.
