Kryeministri Edi Rama gjatë fjalës së tij ka kujtuar të gjithë sakrificat e shqiptarëve që kanë pasur ndër vite në Greqi.
Kreu i qeverisë tha se shqiptarëve u është dashur që të ndryshojnë emrin që u ka vënë nëna, vetëm e vetëm që të merrnin dokumente.
Rama tha se një fëmijë ekselent, i hiqej e drejta e ceremonisë së flamurit vetëm se kishte lindur në “vendin e shqiponjave” dhe jo në vendin e “kryqit të madh”.
Megjithatë ai falënderoi shqiptarët për mundin, sakrificën duke mos u dorëzuar kurrë për të merituar vendin që meritojnë në shtëpinë tyre të dytë, në Greqi.
“Nuk mund të gjejmë përgjigjen për të ardhmen tek e shkuara, por tek e sotmja tek fatet e të lidhurve te grekët e Shqipërisë, bashkë me shqiptarët e Shqipërisë, shqiptarët e Greqisë dhe grekët e Greqisë.
Erdhët në këtë djep për të ikur gërmadhat e regjimit dhe mallkimit të tij të varfërimit më ekstrem. Kapërcyet malet, fletët nëpër paqe nëpër stola, dolët pa dalë drita për të pritur nëpër sheshe. Gjakosët duart dhe dërrmuat kurrizin me punët më të rënda. U përballët me arrogancën e fqinjit të pasur ndaj komshiut të varfër.
Bëtë nga dy tre punë, përjetuat poshtërimin e fshesave të zeza të fundshekullit të ’20, kur ju shkulnin nga shtëpitë për t’ju depërtuar në Shqipëri. Shumë ndër ju ndërruat emrat që ju kishte nëna dhe baba për të marrë dokumentet e punës dhe regjistruar fëmijët në shkollë.
Ju shqiptarët e Greqisë e patë fëmijën të mbytet ne lot se nuk ju dha e drejta e ceremonisë së flamurit , faji ishte se kishte ardhur nga foleja e shqipes dykrenare dhe nuk kishte lindur në mbrojtjen e kryqit të bardhë”, tha Rama ndër të tjera.
