Pavarësisht të gjitha kundërshtimeve që vijnë nga Athina zyrtare, kryeministri Edi Rama është i vendosur për të mos e shtyrë takimin e 12 majit në kryeqytetin grek. Ai ka publikuar në rrjetet sociale dy foto të takimit të parë me shqiptarët në Athinë, si kryetar i opozitës në vitin 2006.
“Shumë gjëra kanë ndryshuar në 18 vjet, por dy më të sigurtat që lidhen edhe me këto foto janë, që mua s’më ka mbetur asnjë fije floku e zezë dhe që pasi kaluan detin në këmbë si udhëtarët e paepur të rrëfimeve të lashta SHQIPTARËT E GREQISË JANË SOT NJË HISTORI KRENARIE KOMBËTARE, QYTETARIE EUROPIANE DHE SUKSESI TË PAMOHUESHËM❤️” – shkroi kryeministri shqiptar në rrjetet sociale.
