Kryeministri Edi Rama vijon vizitën e tij në Greqi, e sot në ditën e dytë është takuar me Kryetarin e parlamentit grek, Konstandinos Tasoulas. Gjatë takimit, kreu i Qeverisë nuk shkoi duarbosh, por zgjodhi që t’i dhuronte Tasoulas, një shishe vere dhe libër.
“Kjo është pasi zihen deputetët në parlament dhe kur shkoni në darkë në shtëpi, është shumë e mirë. Ky është një libër, autoren e kemi këtu, është përkthimi në greqisht”, tha Rama.
Po ashtu, kreu i Qeverisë ka ndarë edhe sot fjalimin që mbajti një natë më parë në Athinë.
Të pranishëm në ekspozitë ishin ministri i jashtëm grek Nikos Dendias dhe kryeministri Kyriakos Mitsotakis. Rama ekspozoi dje 33 punime të krijuara vitet e fundit, 15 prej të cilave të vitit 2023 si dhe disa punime porcelani.
