Gjatë bashkëbisedimit me qytetarët në rrjetet sociale dhe me gazetarë, kryeministri Edi Rama është pyetur lidhur me aludimet në një media meksikane se disa shqiptarë kanë lidhje me kartelin e Sinaloa dhe pastrojnë paratë në Shqipëri. Po kështu kryeministri u pyet edhe për aludimin se një prej biznesmenëve, ka takuar edhe Ramën. Kryeministri e quajti absurd faktin që mediat shqiptare, marrin të mirëqenë akuza të një media meksikane, pa bërë asnjë verifikim dhe godasin “një familje të tërë shqiptare”. Rama i quajti akuzat “të neveritshme” dhe tha se nuk ka lidhje me asnjë kartel.
LEXO EDHE: Ekzekutimi i avokatit të njohur grek, rëndohen akuzat për shqiptarët
“E para e punës, nuk besoj se ka ndonjë dallim të madh mes medias në fjalë dhe medias tuaj. Është e njëjta gjë. Mund të thuhen të vërteta dhe shumë gënjeshtra. E konsideroj të neveritshme që me një copë letër që del diku, kudoqoftë, merret një familje e tërë shqiptare dhe kryqëzohet nga mëngjesin në darkë, pa pyetur kush jeni dhe me çfarë merreni. Lidhet njeriu më i kërkuar në botë, pasuria e të cilit përllogaritet se është më e madhe se GDP-ja e Gjermanisë. Çfarë lidhje ka një njeri me pasuri të tillë të pastrojë paratë me një hotel me më pak se 100 dhoma në Vlorë?!
Si bëhen këto gjëra pa asnjë verifikim? Thjesht kap emra, përplasi pas murit, ngriji dhe uli trafikantë, ngriji dhe uli, ju qofshi dhe Zoti ju pastë në kujdes. Unë jam krejt i pafuqishëm për të bërë çfarëdolloj gjëje tjetër. Nuk kam asnjë lidhje me asnjë kartel, nuk jetoj për të ngrënë më shumë dhe për të jashtënxjerrë më shumë. Jetoj për disa gjëra të tjera që nuk ka asnjë mundësi t’ua shpjegoj. Ju kam lënë Zotin të gjithëve që bën këto përralla dhe që përfshihen në një valë sulmesh. Shkatërrojnë jetë njerëzish dhe familje. Doli një artikull atje dhe mbushet gjithë rrjeti i kanalit të Vatanit këtu me një llumhane që nuk di se si bëhet për ta frenuar”, tha Rama.
