Rama prezanton maskën e re me yllin e verdhë

Maskat janë kthyer në një aksesor për kryeministrin Rama e duket se do ti ndryshojë javë pas jave. Pas maskës së zezë me trëndafil e cila simbolizonte partinë e tij dhe zgjedhjet e 25 prillit, kryeministri Edi Rama ka zgjedhur që ditën e sotme të kishte një tjetër simbol: atë të tre yjeve me mbishkrimin PS, në ngjyrat lejla, mavi dhe të verdhë. Kjo e sotmja ngjan me atë të Bashkimit Europian (yjet ngjyrë të verdhë), ndërkohë që kujtojmë se ditën e djeshme në takimin me ministrin e jashtëm grek, Dendias, Rama kishte nga fundi i kollares së tij, sërish një yll të verdhë (i cili u komentua se e kishte marrë nga flamuri i Turqisë). Nuk dihet se si mund të jenë idetë për maskat e tjera në vijim, mirëpo duke parë idetë origjinale që Rama ka, nuk habitemi për asnjë model të çuditshëm që në thelb do të ketë një mesazh: Partinë Socialiste.