Kryeministri Edi Rama ka zgjedhur jugun e vendit për të kaluar pushimet. Ai është fotografuar në Vuno, ulur në një nga lokalet e zonës duke shijuar pasditen. Pas kryeministrit nuk mungon as eskorta. Në foto shihet edhe një prej truprojave teksa vëzhgon ambientin. Kohë më parë kur e kishte ende miqësinë me Koço Kokëdhimën, Rama deklaroi se në këtë fshat do të kalonte pleqërinë me ish-deputetin socialist.
“Si nip nga Vunoi, jam në të drejtën time që kësaj toke t’i krijohet mundësia të rilulëzojë dhe në pleqërinë që na afrohet dhe mua, dhe Koços, dhe të tjerëve që janë të mirëpritur, të na krijohet mundësia të vijmë dhe të na krijohet hapësira aty te sheshi i vogël afër lapidarit ku pleqtë mblidhen dhe flasin për hallet e botës”, deklaronte Rama katër vite më parë.
Por më pas miqësia me Kokëdhimën u prish dhe ai u përjashtua nga radhët e PS-së. Megjithatë deri sa të vijë koha e pleqërisë për Ramën e Kokëdhimën, mund të ketë një shans të dytë për “paqe” mes tyre dhe pleqëri të përbashkët në Vuno.
©argjiroja.net
