Nesër qeveria do të publikojë vendimin për riatdhesimin e shqiptarëve që kanë mbetur jashtë vendit, pasi u mbyllën kufijtë. Kryeministri Edi Rama u shpreh sot se të shtunën nis fluturimi i parë nga Roma dhe nesër nisin aplikimet, ku çdo shqiptarë duhet të aplikojë online dhe të prenotojë edhe hotelin, (një listë hotelesh që do miratohen nga qeveria) dhe të gjitha shpeznimet do të paguhen nga gjithësecili.
“Kemi gati planin për të hapur planin e riatdhesimit dhe sipas gjasave të shtunën e kësaj jave do të nisim fluturimet nga Roma. Do prenotojnë vetë hotelin përkatës si struktura karantine. Këtë luftë kemi vetëm një rrugë. Atë që duhet si rruga më e gjatë, kjo është rruga ta fitojmë me nder dhe shëndet. Për ata që është kaq e vështirë, besoj se duke parë vendet e tjera dhe duke parë familjen përditë, besoj se rrugë më të drejtë se kjo nuk ka! Prandaj durim, besim dhe kurajo, më herët se vonë ne do të ndihemi të gjithë krenarë”, tha Rama
