Kryeministri Edi Rama ka publikuar në Facebook rastin e dy vëllezërve nga Gjirokastra që merren me bletari. Në videon e postuar nga kryeministri në parkun e bletëve që ndodhet në fshatin Kakoz të Lunxhërisë ishte për vizitë edhe ministri i Bujqësisë dhe Zhvillimit Rural, Bledi Çuçi, bashkë me deputeten Mirela Kumbaro. Ja cfarë shkruan Rama për vëllezërit Dhima.
Vëllezërit Dhima në Lunxhëri të Gjirokastrës menaxhojnë prej vitesh një fermë bletësh me 150 koshere. Prodhojnë mesatarisht 1 deri në 2 ton mjaltë në vit, produkt që e sheshin më pas në tregun vendas. Pas aplikimit në platformën E-Albania përfituan subvencionin që iu takonte. 👉 Këtë vit kanë përfituar subvencione në të gjithë vendin 1458 fermerë që merren me bletari, me një buxhet 163 milionë lekë. Plot 98% e aplikuesve në platformë kanë përfituar mbështetjen me subvencione. Në vitin 2013 numri i përfituesve ishte 275 fermerë dhe buxheti 19.2 milionë lekë.
