Ka dalë përgjigja e 15-vjeçarit afgan, Hamit Muhameti, i cili një ditë më pare u izolua në Spitalin e Sarandës, i dyshuar si i prekur nga Coronavirusi.
Analizat kanë treguar se adoleshenti nuk është prekur nga virusi që po mban mbërthyer mbarë botën.
Lajmin e konfirmoi dje për mediat drejtori i Shëndetit Publik në Sarandë, Arjan Kalcuni.
Aktualisht, 15-vjeçari ndodhet në Spitalin Infektiv në Qendrën Spitalore Nënë Tereza në Tiranë.
Ai u shtrua fillimisht në spitalin e Sarandës pasi kishte temperaturë të lartë. Mjekët dyshuan se mos refugjati i ardhur nga Greqia ishte prekur me koronavirus.
